【產品專題】女士揀耳機，有種獨特品味！

好多男士都會話女士揀耳機，好像要求不多只要求顏色比較多。其實女士揀耳機一啲都唔簡單，無論有線耳機、藍牙耳機或大耳筒…都要合乎女士們心目中的各種要求! 

【女士揀顏色款式方面】

一般來講大部分女士都會以顏色及款式方面作為首選，當中嘅顏色當然離唔開粉紅色、紫色或tiffany blue色喇！好！揀到鍾意顏色就要考慮款式方面合唔合適自己！有啲女士係唔太鍾意入耳式或掛耳式耳機，呢啲女士可能比較鍾意簡簡單單聽到歌就得喇。

【 女士揀耳機功能方面 】

揀好合心水顏色同款式，之後就到功能。發覺好多女士都希望耳機可以講到電話同時可以調較到音量，方便講電話同whatsapp錄音。

【 女士揀耳機價錢方面 】

其實沒有一個特定價錢嚟界定女士揀耳機,有啲會揀$200-$500， 極大部份會揀$500-$1000左右嘅價錢, 什至$1000-$2000或以上嘅都有。可能女士始終覺得只係聽音樂，我相信如果女士係選購手袋,化妝品,或鞋類等方面應該會比較手鬆喇。當然每個人要求都唔一樣！

【 女士揀耳機牌子方面 】

講到牌子方面，女士點會唔揀係咪！？錯喇錯喇！女士係揀耳機方的確好少會追求牌子，對佢地嚟講最緊係靚同帶得舒服最重要！

【 女士對音質方面 】
個人研究發現，10位女士當中有9位都比較鍾意低音重嘅耳機！可能低音重是比較明顯聽得出分別，當然都有女士鍾意人聲較為特出同埋比較平均音質既耳機喇。

【 個人總結 】

講到最後女士揀耳機分分鐘鐘要求仲多過男士，只係男女對選擇嘅要求都唔一樣！顏色、款式、價錢、牌子、音質等各方面嘅要求，都同男士會有略大差別！所以沒有特定一隻最好聽耳機，只有一隻合適自己嘅耳機！講到最後，最緊要揀到一隻合適自己心水又帶得舒服嘅耳機！塔車、行街定等人，點少得音樂嘅陪伴呢！