目錄 登入會員 購物車 {{currentCart.getItemCount()}}

【產品專題】如何挑選適合的運動耳機

夏天,為大地帶來美腿⋯咳咳…...唔係小編寫錯,香港咁炎熱,出街著條長褲都出汗,如果要著背心短褲出門口,難免要將「過冬」時嘅「儲備」消耗左先。

 

運動下減下「儲備」,又點可以無音樂呢?今次就講下小編點樣揀運動耳機,先可以加強效果!揀耳機之前,首先要清楚自己做咩類型運動,運動嘅場地同埋運動嘅強度。有咩關係?

-跑步

如果你係享受喺戶外什至郊外跑步嘅朋友,我會建議你選擇Aftershokz AS600或者Plantronics BackBeat Fit類型嘅耳機。首先兩者都係非入耳(AS600更係耳骨傳導)。老實講並不具備隔音效能,但就係因為咁令戶外活動時更加安全,任何突發事件或者有人呼喊時都可以聽到。

-健身

如果係鍾意喺健身室做重訓又唔想聽健身室播嘅音樂,Bose Soundsport Pulse或者Jaybird嘅Freedom就幫到你喇~兩者除左隔音一流之外,特別配備嘅穩定器(Hook)可以令耳機戴得更穩陣。咁樣訓低舉啞鈴又好定係上跑步機都冇有怕!另外Bose Soundsport Pulse配合專用嘅程式仲可以Keep Track埋心跳率,令運動更加有效率!

-游水

如果有啲朋友鍾意游水Keep fit,又清涼又可以練到全身肌肉,不過就要留意返,有啲註明防水IPX7嘅都只係可以喺水深不過一米嘅地方浸唔超過30分鐘。係咁嘅話,SONY WS623 或者Bragi The Dash Pro就幫到你,兩者都標明可以作游水用,都有4GB內存,唔帶電話去游都冇問題直接入歌落耳機即可。

 

種種運動類型多不勝數,例如踩單車或者行山嘅朋友小編可能推介用喇叭更適合。如果有興趣瞭解更多或者想睇下其他選擇嘅朋友,都不妨到我地門市問下我地店員有咩推介架~